സ്വർണവിലയിൽ നേരിയ വർധനവ്: പവന് 57200 രൂപ
സംസ്ഥാനത്ത് ഇന്ന് സ്വർണവിലയിൽ ചെറിയ വർധന രേഖപ്പെടുത്തി. ഗ്രാമിന് 10 രൂപയും പവന് 80 രൂപയുമാണ് വില ഉയർന്നത്. ഇന്നത്തെ നിരക്കുപ്രകാരം സ്വർണത്തിന് ഗ്രാമിന് 7150 രൂപയും പവന് 57200 രൂപയുമാണ് വില.18 കാരറ്റ് സ്വർണത്തിനും ചെറിയ മാറ്റം സംഭവിച്ചു. ഗ്രാമിന് 5 രൂപ വർധിച്ച് ഇന്നത്തെ വ്യാപാര നിരക്ക് 5900 രൂപയായി. എന്നാൽ വെള്ളി വിലയിൽ മാറ്റമില്ല; ഗ്രാമിന് 97 രൂപയായിരുന്നു ഇന്നും വിപണി വില.ഇതിനുമുമ്പുള്ള രണ്ടു ദിവസങ്ങൾക്കിടെ സ്വർണ വിലയിൽ പവന് 1160 രൂപയുടെ ഇടിവ് രേഖപ്പെടുത്തിയിരുന്നു. അതിനുശേഷം ഇന്നലെ വിലയിൽ മാറ്റമുണ്ടാകാതെയാണ് വ്യാപാരം നടന്നത്.
