9 മിനിറ്റ് ചാർജിൽ 965 കിലോമീറ്റർ ഡ്രൈവിംഗ് റേഞ്ച്; പുത്തൻ ലുക്കിൽ സാംസങ്
മൊബൈൽ ഫോൺ നിർമാതാക്കളായ സാംസങ് ഇലക്ട്രിക് വാഹന രംഗത്ത് വിപ്ലവം സൃഷ്ടിക്കാൻ ഒരുങ്ങുകയാണ്. സിയോളിൽ നടന്ന എസ്എൻഇ ബാറ്ററി ഡേ 2024 എക്സ്പോയിൽ സാംസങ് ഇലക്ട്രിക് വാഹനങ്ങൾക്കായി അവതരിപ്പിച്ച ബാറ്ററി കണ്ട് അക്ഷരാർത്ഥത്തിൽ ഓട്ടോ മേഖല ഞെട്ടിത്തരിച്ചിരിക്കുകയാണ്. പ്രത്യേകം രൂപകൽപ്പന ചെയ്ത ഈ സോളിഡ്- സ്റ്റേറ്റ് ബാറ്ററി, വെറും 9 മിനിറ്റ് ചാർജിൽ 965 കിലോമീറ്റർ ഡ്രൈവിംഗ് റേഞ്ച് വാഗ്ദാനം ചെയ്യുന്നു. 20 വർഷത്തെ വാറണ്ടി ഈ ബാറ്ററികൾക്കു കമ്പനി ഉറപ്പുനൽകുന്നു. അതേസമയം ഈ ബാറ്ററി ചാർജ് ചെയ്യാൻ, 480kW മുതൽ 600kW വരെയുള്ള ചാർജർ ആവശ്യമാണ്. ഖര ഇലക്ട്രോലൈറ്റുകൾ ഉപയോഗിച്ച് രാസ ഊർജ്ജം സംഭരിക്കുകയും, അതിനെ വൈദ്യുതോർജ്ജമാക്കി മാറ്റുകയും ചെയ്യുന്ന ഒരു ഉപകരണമാണ് സോളിഡ്- സ്റ്റേറ്റ് ബാറ്ററി.
